مدينة حلب مشهورة في المطبخ الشرقي بالأطباق المميزة و القديمة التي أصبحت جزء من تراثها ...و من أشهر الأطباق الكبة و الكبابة.
أما الكبابة فهي منتشرة جداً في البلدان العربية بشكل عام و بلاد الشام بشكل خاص فكل مدينة لها طريقتها الخاصة و أصنافها المتنوعة
كما أن الكبابة أكلة قديمة جداً كانت تقدم على طاولات الأغنياء و هي عبارة عن كرات من اللحم مع البهارات تقلى في الزيت و يضاف لها صلصة حسب الصنف..
الكبابة بمرقة البندورة مع الأرز بالشعيرية :
المقادير :
- 1 كغ لحمة غنم مفرومة ناعمة
- ملعقة صغيرة ملح
- بهارات مشكلة
- قرفة
- جوزة الطيب
- زيت زيتون
- ملعقتين دبس بندورة
- حبتين بندورة خضراء
طريقة التحضير :
منكبكب الكبابة و منحطلها شوي ملح و بهار و قرفة و جوزة الطيب و منقليها بزيت الزيتون و بعدين منضفلها ماء و دبس بندورة و شوي توابل و بندورة خضرا و نتركها على النار نص ساعة تقريباً و نقدم جنبها الأرز بالشعيرية .
و اذا بدلنا الكبابة باللحمة الشقف بتصير الاكلة اسمها الكويسات و هي اكلة طيبة حلبية, بحلب كل شي ممتاز بيقولون له "كويس" و من هنا جاء اسم الاكلة "كويسات" ....
و صحة و هنا للجميع
ليست هناك تعليقات:
إرسال تعليق