اليوم طبقت وصفة صديقتنا "نور النواعير" بالبقلاوة عطوني رايكم هل أعجبتكم ؟
الطريقة :
3 كاسات طحين ابيض فاخر ..
ربع ملعقة ملح ..
ملعقة سكر ..
ملعقة حليب ..
القليل من الزيت تقريبآ 3 ملاعق كبيرة ..
ماء حسب ما تلتف العجينة بيدك ..
وتركيها ترتاح شي نص ساعة وبعدين كوريها قد حبة الجوزة .. لازم يطلع معك 24 رقاقة من تحت 12 ومن فوق 12 وبينن الجوز او الفستق .. او القشطة ..
ضعي قطعة مديها بالشوبك دائرة و ضعي فوقها نشاء ذرة وكرري ثلاث مرات لأن اول مرة تعمليها تحطيهم فوق بعض وتمديهم دائرة تكبر معك ﻷن النشاء يفردها وطبعا بدك كل ما تمدي شوي ترفعي كل طبقة وبتحط نشاء وبتمديها حتى تخايل معك
تحطي سمنة بالصينية وبتحط الورق ليصيرو 12 قطعة وبعدين الفستق اوالجوز
ضعي سكر ناعم او قطر وتمدي فوق رقاقات وبعدها الطبقات فوقها وقطعيها والفرن حرارة منخفضة مشان ينفش....
انا ريحتها نصف ساعة بعد العجن غطيتها بكيس نايلون وفوقه غطاء العلبة وصارت العجينة ولا اروع متل الهوا ورشيت نشاء على الرخامة وقرصتهم واشتغلت فورا وفردتهم وكل دائرة تخلص معي غطيها ببشكير ناشف لما تنشف العجينة وتضل طرية وطبقتهم حسب الوصفة
قطعتها وطريقة التقطيع هي اتبعها بالكبة وهذه المرة اتبعتها للبقلاوة
وبعد ماقطعتها غمرتها بالزبدة او بالسمن حطيت تقريبا للعيار ذاته 250 غرام زبدة و ادخلتها فرن حامي مسبقا على الرف المتوسط حرارة 250 درجة حتى تحمر الوجه اخرجت الصينية وسقيتها بالقطر وتركتها لتبرد وصحتين وعافية
القطر :
لكل كاسة سكر نصف كاسة ماء وبعد مايغلي اضع شرحتين ليمون بقشرتها يغلوا معن ورشة فانيليا والقليل من ماء الزهر و عندما يصير للقطربالقوام يلي بتحبيه اطفئي النار
ملاحظة :
تقطيع البقلاوة صحيح قبل وضعه بالفرن و ضعي سمنة طبعا تكون كمية منيحة كل ما كثرنا السمنة للبقلاوة بتنفش طبقاته...
وصحة وهنا
ليست هناك تعليقات:
إرسال تعليق